Aspalacht na hUrnaí

Gach mí cuireann an Pápa rún paidreoireachta i muinín a Líonra Paidreoireachta Domhanda, Aspalacht na hUrnaí. Cuirtear na rúin seo, a léiríonn imní an Phápa don chine daonna agus misean na hEaglaise, ar fáil mar aon le paidir maidine agus tráthnóna. Bímis le go leor eile ar fud an domhain agus guímis leis an bPápa.

Guímis go mbeidh gach duine, ó tháirgeoirí móra go tomhaltóirí beaga, tiomanta do chur amú bia a sheachaint agus a chinntiú go bhfuil rochtain ag gach duine ar bhia d’ardchaighdeáin .

Paidir na Maidine

A Dhia mo shaoil, cuirim fáilte roimh an lá nua seo.
Gabhaim buíochas leat as an ngrásta a bheith beo ar maidin.
Gabhaim buíochas leat as an deis seo chun tús nua a dhéanamh.
Tá an lá seo lán de rúndiamhair agus den anaithnid; cuidigh liom aghaidh a thabhairt air gan eagla ná imní.
I rith an lae seo coinnigh mé machnamhach, paidreoireach agus cineálta.
Coinnigh mé ó aon fhocal a dhéanfadh dochar, nó beag is fiú, nó scrios;
A Thiarna Íosa Críost, a chara agus a dheartháir, go raibh aithne níos soiléire againn ort, go ngráfadh muid níos mó thú, agus go leanfaimis níos gaire duit, lá i ndiaidh lae. Áiméan

Urnaí Oíche

A Thiarna, gabhaim buíochas leat as beannachtaí an lae seo… Agus mé ag ligean mo scíth anocht, iarraim go dtiocfadh do shíocháin timpeall orm féin agus ar mo mhuintir. Cabhraigh liomsa agus le gach duine a gcuimhním orthu an oíche seo muinín a bheith agam as do chosaint agus múscailt athnuaite. Trí Chríost ár dTiarna. Áiméan