Адносіны, поўныя любові
Мы жывём у эпоху, якая захапляецца ідэнтычнасцю. Працягваюцца дэбаты наконт гендэрнай ідэнтычнасці.
Зразумець, хто мы ёсць, – глыбокая і здаровая чалавечая патрэба. Так шмат людзей не пачуваюццаа добра ў сваёй скуры, а ўжыванне ярлыкоў не прыносіць карысці. Падразумяваецца сур’ёзная ўнутраная праца – і гэта так! Але хрысціянін лічыць, што нам трэба зірнуць на свет, а не глядзець унутр сябе. У эпоху сэлфі гэта даволі складана.
Мы зыходзім з асноўнага пераканання, што кожны чалавек створаны паводле вобраза Бога; у дадзеным выпадку, Бога адносін, які ёсць Айцом, Сынам і Святым Духам (Тройцай). У сэрцы Бога знаходзяцца ўзаемаадносіны паміж трыма. Наколькі я разумею, неўралогія таксама сцвярджае, што мозг глыбока сацыяльны. Мозг немаўлятаў набывае форму, калі яны адчуваюць любячае ўзаемадзеянне. Яны інтэнсіўна сацыяльныя маленькія людзі. Іх шлях да самапазнання заўсёды адбываецца ў кампаніі іншых. Часта мы чуем, як людзі кажуць пра «маю другую палову» або пра кагосьці, хто з’яўляецца або быў «часткай мяне». Тое, як мы гаворым пра каханне, заўсёды звязана з адносінамі. Неўсвядомлена мы карыстаемся мовай Тройцы; мы адчуваем, што іншыя робяць нас поўнымі. Два чалавекі разам – гэта эксклюзіў, але дадайце трэцюю, роўную любоў, і што мы маем? Супольнасць, супольнасць любові, якая з’яўляецца інклюзіўнай. У вас будзе шмат праяваў Тройцы ў жыцці… проста будзьце адкрытымі на іх.
The Sacred Heart Messenger, December 2021, Tom Coxhttps://www.messenger.ie/product/the-messenger-september-2024/_blanknoreferrer noopener
The Sacred Heart Messenger, December 2021, Tom Cox
Чытаць далей
Суцяшэнне ведаць, што Бог побач
Я ведаў чалавека, які да канца змагаўся з ракам. Ён прымаў усе магчымыя віды лячэння. Нам казалі, што гэта не спрацуе. Я ведаю іншага, які проста паддаўся і нават не стаў прымаць хіміятэрапію. Гэта розныя падыходы да цярпення. Адзін змагаўся, а другі пагадзіўся. Я захапляўся абодвума.
Многія людзі ідуць у бальніцу са сваёй хваробу, перажываюць, ці раптам не набліжаецца смерць. Гэта частка жыцця. У выпадку Езуса: страшны незразумелы час вёў Яго да яшчэ большай веры. Мы можам трансфармаваць свой боль у цярпенне і знайсці нязмерныя ласкі. Вялікі выклік стаіць перад намі: знайсці новае жыццё сярод цярпення. Боль далучаецца да Мукі Хрыста. Езус не хоча келіха ў Аліўным садзе, але згаджаецца, каб ён цалкам стаў Яго лёсам, што павялічыла Яго ўнутраную сілу! Ідзецца не пра спрошчаны падыход, хутчэй гэтая падзея азначае прыняцце цемры ў жыцці.
Езусу адкрылася падчас Мукі, што Бог Айцец побач. Такім можа быць і наш шлях, мы можам адкрыць тую ж праўду, дапамагаючы адзін аднаму. Мы можам дапамагчы людзям у цяжкія хвіліны: слухаючы, прабываючы разам. Мы знаходзім гэта ў нашых сэрцах, а не ў кнігах – мы выяўляем, што можам расці праз пакуты, і ў дрэнны дзень мы разумеем, што спакой ахінае душу, або што не знікае зыркае святло ў цемры.
Gospel Reflections for Sundays of Year B by Donal Neary SJ
Чытаць далей
«Водар» Евангелля
У кастрычніку нас заклікаюць праверыць, як мы можам быць вучнямі-місіянерамі, якія нясуць пасланне веры, надзеі і любові. Іншымі словамі, што значыць для нашага жыцця мець «водар Евангелля»? Евангелле прапануе план для ўсіх тых, хто лічыць сябе вучнямі Хрыста. Ці ёсць у нас «смак» да Бога, здольнасць адчуваць Божую прысутнасць у свеце і Божую дабрыню ў кожным сустрэчным? Любіць так, як любіў Езус, адчуваць «смак Евангелля» азначае бачыць усіх вачыма любячага Бога і ставіцца да іх, як Езус, вітаючы шчыра і шчодра. Асабліва заўважым, што Езус заўсёды на баку маргіналізаваных, тых, каго грамадства хоча асудзіць.
Урывак з The Sacred Heart Messenger , кастрычнік 2021 г., Джэйн Мелет і Трыёна Доэрці
Чытаць далей
Важнасць слова “Так”
Дабро часта нараджаецца з такога падыходу да жыцця, які можна акрэсліць словам “Так” або “Магу-зрабіць”. Мы пакліканы ўзрастаць у мудрасці, у тым ліку навучыцца адрозніваць, калі трэба сказаць «так», а калі «не».
У нашай хрысціянскай традыцыі мы сузіраем і ўзвялічваем «Так» Марыі. Яна сказала «Так» Богу, і яе адзінае пытанне было: «Як гэта станецца?» Ніякіх папярэдніх умоў, ніякага неспакою, ніякага гандлю, ніякага патурання сабе. Яна казала жыццю “Так”, і што гэта было за жыццё!
Emerging from the Mess by Brendan McManus SJ and Jim Deeds (p. 64)
Чытаць далей
Жыццё як дар
Чаму мы так часта не бачым усяго і ўсіх, дадзеных нам як дар? Чаму мы так безуважна абыходзімся з людзьмі, быццам іх любоў, вернасць і адданасць належацца нам? Я лічу, што гэты недахоп зроку – наш спосаб пазбегнуць уразлівасці, якую прыносіць з сабой любоў, бо, незалежна ад таго, закахаліся мы ў асобу, супольнасць людзей, працу ці лад жыцця, гэтая любоў робіць нас уразлівымі. Страшна закахацца і яшчэ страшней, калі я ўсвядомлю, што іншы чалавек не мой, а Божы. Нават самы верны муж не назаўжды мой, бо нельга выключаць, што ён можа памерці раней за мяне. Маё любае дзіцятка вырасце і ўводзе ў самастойнае жыццё. Мой лепшы сябар можа з’ехаць. Калі мы адпускаем тое, на што нібыта маем права, і, наадварот, звяртаем увагу на сябе, атрымальнікаў незаслужаных падарункаў, то можам больш свабодна прабачаць іншым. У адносінах тады не ідзецца ўжо пра тое, што нам належыцца, а хутчэй пра ўзаемадзеянне, якое ажыццяўляецца ў дармовым даванні і прыняцці. Праз гэта мы можам больш свабодна прабачаць крыўды.
Урывак з «Ігнацыянскага кіраўніцтва да прабачэння» Марыны Берзінс МакКой (с.60)
Чытаць далей
Сэрца, розум і воля
У пошуках таго, што па-сапраўднаму істотна, суладдзе сэрца і розуму цалкам магчымае. Для волі таксама ёёсць месца. Распазнаванне прадугледжвае поўную раўнавагу паміж гэтымі трыма чалавечымі здольнасцямі.
Вопыт паказвае, што не кожнае прыемнае пачуццё з’яўляецца надзейным указальнікам. І наадварот, непрыемныя адчуванні часам могуць паказваць шлях да большага шчасця. Як ты дзейнічаеш, калі падчас крызісу цябе “кідае” ад аднаго пачуцця да іншага зноў і зноў? Ці спрабуеш распазнаваць свае ўнутраныя рухі, ці практыкуеш распазнаванне толькі на вызначальных жыццёвых скрыжаваннях? Хіба не варта звяртацца да яго і ў паўсядзённым жыцці? Што ты робіш, калі не згаджаешся з блізкімі па тым ці іншым пытанні, але вымушаны прыняць нейкае канкрэтнае рашэнне? Якім чынам вы, як бацькі, можаце дапамагчы свайму дзіцяці навучыцца распазнаваць? Ці ты здольны звярнуцца да распазнавання, калі цябе ахопліваюць сумневы?
Trust Your Feelings by Nikolaas Sintobin SJ (p.11)
Чытаць далей
“Павольная праца Бога”
Добрая навіна ў тым, што дух жыве ў кожным з нас, і мы ўсе пілігрымы на шляху да Бога. Дух дзейнічае няспынна, і кожны досвед з’яўляецца магчымасцю, каб жыццё ўзрастала і паглыблялася ў нас. Аднак праблема можа заключацца ў тым, што часам мы не ўсведамляем, што «Бог прыходзіць да нас пад выглядам нашага жыцця» (Рычард Рор), і мы не можам паверыць, што наш асабісты досвед можа быць месцам Сустрэчы, якая мае сэнс. Таксама часта мы сутыкаемся з надзвычай складанымі сітуацыямі хваробы, пакут і страт, якія спачатку здаюцца занадта жудаснымі і трывожнымі, каб мець іншае значэнне. Знайсці Бога ў бязладных кавалачках нашага жыцця надзвычай складана. Многія лічаць за лепшае ўцякаць у чыстыя, мілыя і «святыя» перажыванні, далёкія ад штодзённай пыхі, якая нас атачае. Выклік па-ранейшаму месціцца ў тым, каб верыць, што Бог з намі, і што Ён не з’яўляецца прычынай хаосу і непрадказальнасці жыцця, але дзейнічае з моцай, ствараючы і фармуючы нас праз тое, што мы перажываем.
Discover God Daily by Brendan McManus SJ and Jim Deeds (p.6)
Як даваць рады з памылкамі
Ёсць шмат прыкладаў таго, як Езус, сутыкаючыся з нечымі недахопамі, выказваў міласэрнасць і спагаду, хацеў, каб чалавек вучыўся на сваіх памылках і рабіўся лепшым. Іншымі словамі Ён даваў ім шанец і думаў пра іх добра.
Ніводзін дзень не ідэальны. Ніводзін чалавек не ідэальны. Памылкі і няўдачы – частка шляху. Мы лепш расцём і вучымся, калі да нас добра ставяцца і ласкава глядзяць, чым на асуджэнне і закрыццё.
Excerpted from Emerging from the Mess by Brendan McManus SJ and Jim Deeds (pp.30-31)
Чытаць далей
Чаго ты насамрэч хочаш
У нас шмат жаданняў; мы заўсёды хочам таго, што, на нашу думку, зробіць нас шчаслівымі, але гэта часта не самыя глыбокія жаданні. Мае самыя глыбокія жаданні – гэта не мімалётныя памкненні. Яны часта зыходзяць з “паверхні” і могуць быць павярхоўнымі. Звычайна яны маюць на ўвазе “рэчы”. Важней пытанне аб самых глыбокіх жаданнях, марах, аб тым, што прынясе нам сапраўднае шчасце. Яны прыходзяць з глыбіні. Яны прыходзяць невядома адкуль.
Ігнацый казаў, што мы можам знайсці Бога ў сваіх найглыбейшых жаданнях. Гэта выдатная рэч, калі мы рэалізуем яе на практыцы. Час, аддадзены марам і глыбокім жаданням, можа прывесці наўпрост у прастору Божай прысутнасці.
Excerpted from Emerging from the Mess by Brendan McManus SJ and Jim Deeds (p.44)
Чытаць далей
Бог з намі
Мы павінны трымаць вочы і вушы адкрытымі ў літургіі і ў чытанні Бібліі, каб не прамінуць шматлікія спасылкі на тое, што Бог «з» намі і з іншымі Яго выбранымі слугамі, і каб ацаніць іх поўнае тэалагічнае значэнне. Гэта мае падштурхнуць нас ацаніць глыбіню і ўсе наступствы відавочна простага універсальнага прывітання, з якім мы, хрысціяне, настолькі знаёмыя, што яно пастаянна вымыкаецца з нашай увагі: «Пан з вамі». Чуючы ад святара падчас Імшы гэтыя словы, мы павінны ўнутрана спыняцца, каб усвядоміць: гэта не толькі благаслаўленне, але і выклік. Заўсёды. Як мы бачым у Бібліі, гэтае сцвярджэнне (што Пан з намі) падразумявае папярэдняе канкрэтнае даручэнне, якое мы асабіста атрымалі ад Бога. Яно мае нагадваць нам, што Бог абяцае быць заўсёды «з намі», як абяцаў уваскрослы Езус сваім вучням (Мц 28, 20), незалежна ад – і нават якраз з-за – нашых недахопаў, каб Бог мог здзейсніць праз нас тое, аб чым просіць нас у гэты момант жыцця. Вось у чым справа.
Excerpted from Sacred Space: The Companion by The Irish Jesuits (p.68)
Чытаць далей