Апостальства малітвы

Кожны месяц Папа давярае малітоўную інтэнцыю сваёй Сусветнай малітоўнай сеткі, Апостальству малітвы. Гэтыя інтэнцыі, якія выказваюць занепакоенасць Папы чалавецтвам і місіяй Касцёла, прадстаўлены разам з ранішняй і вячэрняй малітвай. Запрашаем далучыцца да многіх вернікаў па ўсім свеце і маліцца разам з Папам.

Молімся, каб Касцёл і далей усялякімі спосабамі падтрымліваў хрысціянскі лад жыцця як знак узаемнай адказнасці, клапоцячыся пра салідарнасць, лучнасць і супольную місію святароў, законнікаў і свецкіх людзей.

Ранішняя малітва

Нябесны Ойча, пачынаючы гэты дзень, я спадзяюся, што Ты павядзеш мяне.
Я ахвярую Табе радасць і смутак, смех і слёзы гэтага дня і яднаюся з інтэнцыяй Папы Францішка на гэты месяц.
Амэн.

Вячэрняя малітва

Нябесны Ойча, дзякуй, што падарыў мне яшчэ адзін дзень. Усё, што сёння было спалучана з любоўю, я зноў аддаю Табе і, праз заступніцтва Панны Марыі, малюся ў інтэнцыі Папы Францішка на гэты месяц.
Амэн.