Апостальства малітвы

Кожны месяц Папа давярае малітоўную інтэнцыю сваёй Сусветнай малітоўнай сеткі, Апостальству малітвы. Гэтыя інтэнцыі, якія выказваюць занепакоенасць Папы чалавецтвам і місіяй Касцёла, прадстаўлены разам з ранішняй і вячэрняй малітвай. Запрашаем далучыцца да многіх вернікаў па ўсім свеце і маліцца разам з Папам.

Молімся, каб краіны імкнуліся да эфектыўнага раззбраення, асабліва ядзернага, і каб сусветныя лідары абралі шлях дыялогу і дыпламатыі замест гвалту.

Ранішняя малітва

Божа майго жыцця, у Тваёй прысутнасці вітаю гэты новы дзень. Дзякую Табе за ласку жыцця. Дзякую за шанец пачаць усё спачатку. Гэты дзень поўны таямніц і невядомых падзей – дапамажы мне сустрэць яго без страху і трывогі. Цягам дня захавай мяне разважлівым і зычлівым, не дай забыцца пра малітву. Абарані мяне ад любога слова, якое можа пакрыўдзіць, прынізіць або знішчыць; Пане Езу Хрысце, сябар і брат, дапамажы нам глыбей пазнаць Цябе, мацней палюбіць Цябе і ісці за Табой след у след, дзень за днём.

Вячэрняя малітва

Пане, дзякую Табе за дары сённяшняга дня. Цяпер я магу адпачыць. Прашу аб Тваім спакоі для мяне і маіх блізкіх. Дапамажы мне і ўсім, пра каго я памятаю ў гэты вечар, даверыцца Тваёй абароне і прачнуцца адноўленымі.

Праз Хрыста, Пана нашага. Амэн.