Што «ўзяць» на Вялікі пост

«Ад чаго вы адмаўляецеся на Вялікі пост?» – Цукеркі! Па-дзіцячы? Вядома. Аднак у дзяцінстве сорак дзён абыходзіцца без салодкага было сур’ёзным выпрабаваннем. Дзень святога Патрыка быў адзіным святлом у, здавалася б, бясконцым падарожжы адрачэння ад прыемных рэчаў.

Вялікі пост мае і іншыя аспекты. Нашае ўнутранае дзіця можа адмовіцца ад прысмакаў, але мы як дарослыя вернікі ідзём у асаблівую прастору разважанняў і пакаяння, дзе мы падлічваем і прымаем тое, што знаходзім, нібы ў скарбніцу, з якой выносіцца старое і новае. Там мы можам знайсці ўспаміны пра напоўненыя верай і нявіннасцю дні, калі маліцца было так лёгка.

Акрамя «адмовіцца» ў Вялікім посце, ці ёсць месца для «ўзяць»? Напрыклад, больш пазітыўны погляд на рэчаіснасць. Рэгулярны ўдзел у нядзельнай святой Імшы. Ці ёсць на велікапосным шляху месца для сацыяльнай справядлівасці, працы на карысць бліжніх, дабрачыннасці, валанцёрства? Спробам змяніць жыццё іншых да лепшага? Магчыма, калі мы будзем прабачаць хоць нешта, больш любіць і дзяліцца, шчыра маліцца, прымаць удзел, мы ўбачым, што замест адмовы ад прысмакаў, нас агорне духоўная слодыч, сапраўднае пачуццё дабрыні.

Вінцэнт Шэрлак, The Sacred Heart Messenger, люты 2023 г