Прысутнасць

Калі я прыходжу да Цябе, Пане,
Я ведаю, што знаходжуся ў прысутнасці майго Стварыцеля.
Ты стварыў мяне з любові.
Ты ведаеш нават, колькі валасоў у мяне на галаве.
Твая прысутнасць, о Пане, – найвялікшы дар.

Свабода

Пане, дай мне ласку вызваліцца ад усяго лішняга. Не дазволь прагнасці злавіць мяне ў сваю пастку. Захавай маё сэрца і розум свабоднымі, каб любіць Цябе і служыць Табе.

Усведамленне

Нябесны Ойча, дазволь мне ўзрастаць у цноце, слухаючы Цябе і прабываючы з Табой. Няхай Твая дабрыня перапаўняе маё жыццё і пераліваецца з майго жыцця ў жыццё ўсіх тых, каго я сустракаю.

Божае слова

²⁷Авечкі Мае слухаюць голас Мой,
і Я ведаю іх, і яны ідуць за Мною. ²⁸Я даю ім вечнае жыццё навекі, і яны не загінуць ніколі,
ніхто не вырве іх з рукі Маёй. ²⁹Айцец Мой, які даў Мне іх, большы за ўсіх. І ніхто не можа вырваць іх з рукі Айца. ³⁰Я і Айцец — адно».

Разважанне да Божага слова

Вобраз і тэма Бога як пастыра надзвычай распаўсюджаныя як у Старым, так і ў Новым Запавеце. Адносіны паміж намі і Езусам, нашым Пастырам, могуць і павінны быць вельмі блізкімі. Ён не пакіне нас ніколі і будзе весці ў вечнае жыццё. Гэты час малітвы правядзём у Ягонай прысутнасці, даверліва даручаючы сябе Яго чулай апецы.

Размова

Пане, дапамажы мне дастаткова сцішыцца, каб пачуць Твой вельмі ціхі голас. Дапамажы мне давяраць таму, што я чую. Тваё Слова прыносіць палёгку, суцяшэнне і падбадзёрванне. Усё іншае я аддаляю ад сябе.

Заканчэнне

Хвала Айцу і Сыну, і Духу Святому.
як было спрадвеку,
цяпер і заўсёды,
і навекі вечныя. Амэн.

Амэн