Лк 5:12-16
12Калі Ён быў у адным з гарадоў, з’явіўся чалавек увесь у праказе. Убачыўшы Езуса, ён упаў ніцма, молячы Яго і кажучы: «Пане, калі хочаш, можаш мяне ачысціць». 13Езус працягнуў руку, дакрануўся да яго і сказаў: «Хачу, будзь ачышчаны!» І адразу праказа сышла з яго. 14Але Езус загадаў яму нікому не расказваць, а пайсці, паказацца святару і скласці ахвяру за сваё ачышчэнне, як наказаў Майсей, дзеля сведчання ім. 15Аднак чуткі пра Яго яшчэ больш распаўсюджваліся, і вялікае мноства людзей сыходзілася, каб слухаць Яго і атрымаць аздараўленне ад сваіх немачаў. 16А Ён адыходзіў у пустынныя месцы і маліўся.
“Copyright © 2021 National Council of Churches of Christ in the United States of America. Used by permission. All rights reserved worldwide.”
Разважанні on Лк 5:12-16
Разважанне да Божага слова - 2025-01-11 Штодзённая малітва
Езус ніколі не адмаўляў тым, хто з верай прыходзіў да Яго з просьбай аб аздараўленні. Пракажоным не дазвалялася нават набліжацца да іншых людзей з прычыны рызыкі распаўсюджвання хваробы. Аднак Езус працягвае руку, дакранаецца і аздараўляе пракажонага. Гэты пракажоны ведае, што можа свабодна прыйсці да Езуса. Мы ведаем, што і мы заўсёды можам прыйсці да Яго, каб атрымаць аздараўленне.
Езус Хрыстус, учора, сёння і навекі нязменны, заўсёды хоча даць найлепшае і ацаляе нас.