Мк 15:33-39,16:1-6

³³Калі надышла шостая гадзіна, цемра настала па ўсёй зямлі аж да гадзіны дзевятай. ³⁴А каля дзевятай гадзіны ўсклікнуў Езус моцным голасам: «Элі, Элі, лема сабахтані?», што азначае: «Божа Мой, Божа Мой, чаму Ты Мяне пакінуў?» ³⁵Некаторыя з тых, хто стаяў там, чуючы гэта, казалі: «Вось, Ён кліча Іллю». ³⁶А адзін пабег, намачыў губку воцатам і, насадзіўшы на трысціну, паіў Яго, кажучы: «Чакайце, пабачым, ці прыйдзе Ілля зняць Яго». ³⁷Езус жа, ускрыкнуўшы моцным голасам, сканаў. ³⁸І заслона ў святыні разарвалася надвое ад верху да нізу. ³⁹Сотнік, які стаяў насупраць Яго, сказаў, убачыўшы, як Ён канаў: «Праўдзіва, Чалавек гэты быў Сынам Божым».

¹Калі мінуў шабат, Марыя Магдалена, Марыя Якубава і Саламея купілі духмянасцяў, каб пайсці і намасціць Езуса. ²Вельмі рана, у першы дзень тыдня, прыйшлі да магілы, калі ўзышло сонца, ³і гаварылі між сабою: «Хто адсуне нам камень ад уваходу ў магілу?» ⁴І паглядзеўшы, убачылі, што камень адсунуты, а быў ён вельмі вялікі. ⁵Увайшоўшы ў магілу, яны ўбачылі юнака, які сядзеў з правага боку і быў апрануты ў белае адзенне, і вельмі спалохаліся. ⁶А ён сказаў ім: «Не бойцеся! Шукаеце Езуса Назараніна, укрыжаванага. Ён уваскрос, Яго тут няма; вось месца, дзе паклалі Яго.

“Copyright © 2021 National Council of Churches of Christ in the United States of America. Used by permission. All rights reserved worldwide.”