Мк 3:1-6
1Езус зноў увайшоў у сінагогу. А быў там чалавек з усохлай рукой. 2І сачылі за Езусам, ці вылечыць Ён у шабат, каб абвінаваціць Яго. 3І сказаў Ён чалавеку з усохлай рукою: «Стань пасярэдзіне». 4А ў іх запытаўся: «У шабат дазволена рабіць дабро ці зло, душу ўратаваць ці загубіць?» Але яны маўчалі. 5Гнеўна паглядзеўшы на іх, засмучаны жорсткасцю іх сэрцаў, сказаў таму чалавеку: «Працягні руку». Той працягнуў — і стала здаровай рука ягоная. 6Тады фарысеі выйшлі, адразу сабралі з прыхільнікамі Ірада нараду супраць Езуса, каб загубіць Яго.
“Copyright © 2021 National Council of Churches of Christ in the United States of America. Used by permission. All rights reserved worldwide.”
Разважанні on Мк 3:1-6
Разважанне да Божага слова - 2026-01-21 Штодзённая малітва
Цікава назіраць за рознымі групоўкамі вакол Езуса ў сённяшняй евангельскай гісторыі. Звярні ўвагу, як некаторыя з гледачоў назіралі за падзеямі з прыплюшчанымі вачыма, з намерам толькі ўмацаваць свае пазіцыі. Святы Ігнацый раіў заўсёды інтэрпрэтаваць словы і ўчынкі людзей у пазітыўным святле. Менавіта гэта адмаўляюцца рабіць фарысеі ў сённяшнім апавяданні. Магчыма, пасля разваг мы пагодзімся, што нам варта прытрымлівацца рэкамендацый святога Ігнацыя, а не кіраўнікоў сінагогі.