Мц 13:10-17
10І, падыйшоўшы, вучні сказалі Яму: «Навошта Ты гаворыш ім у прыпавесцях?» 11А Ён адказаў ім: «Таму што вам дадзена пазнаць таямніцы Валадарства Нябеснага, а ім не дадзена. 12Бо хто мае, таму дадзена будзе, і атрымае ўдосталь, а хто не мае, у таго адымецца і тое, што мае. 13Таму Я гавару ім у прыпавесцях, бо яны глядзяць, а не бачаць, слухаюць, а не чуюць і не разумеюць. 14На іх спаўняецца прароцтва Ісаі, якое кажа:
“Слухаць будзеце, і не зразумееце, і вачыма глядзець будзеце, і не ўбачыце.
15Бо абрасло тукам сэрца народу гэтага, і вушамі з цяжкасцю чуюць, і вочы свае заплюшчылі, каб не ўбачыць вачыма, і не пачуць вушамі, і не зразумець сэрцам, і не навярнуцца, каб Я вылечыў іх”.
16Але шчаслівыя вочы вашыя, таму што бачаць, і вушы вашыя, таму што чуюць. 17Бо сапраўды кажу вам: многія прарокі і справядлівыя хацелі ўбачыць тое, што вы бачыце, і не ўбачылі, і пачуць тое, што вы чуеце, і не пачулі!
“Copyright © 2021 National Council of Churches of Christ in the United States of America. Used by permission. All rights reserved worldwide.”
Разважанні on Мц 13:10-17
Разважанне да Божага слова - 2025-07-24 Штодзённая малітва
Тым, хто мае адкрытыя вушы і сэрца для Хрыстовых слоў, прыпавесці адкрыюць Божае слова. Тым, хто замкнуў свой розум для Хрыста, ніякае святло не развее цемру. Памолімся за наш свет, які так мае патрэбу ў святле Хрыста.
Бог даў нам вялікі дар веры і прывілей размаўляць непасрэдна з Ім у малітве. З удзячнасцю памолімся аб тым, каб добра ім карыстацца.