Мц 16:13-20
13Калі прыйшоў Езус у межы Цэзарэі Філіпавай, запытаўся ў сваіх вучняў, кажучы: «Кім людзі лічаць Сына Чалавечага?» 14Яны ж адказалі: «Адны — Янам Хрысціцелем, другія ж — Іллёю, а іншыя — Ераміем ці адным з прарокаў». 15Ён сказаў ім: «А вы кім лічыце Мяне?» 16Адказваючы, Сымон Пётр сказаў: «Ты — Хрыстус, Сын Бога Жывога». 17Тады Езус сказаў яму ў адказ: «Шчаслівы ты, Сымоне, сыне Ёны, бо не цела і кроў адкрылі табе гэта, але Айцец Мой, які ў нябёсах. 18I Я кажу табе, што ты — Пётр, скала, і на гэтай скале Я пабудую Касцёл Мой, і брамы пякельныя не перамогуць яго. 19Я дам табе ключы Валадарства Нябеснага, і што звяжаш на зямлі, тое будзе звязана ў небе, а што развяжаш на зямлі, тое будзе развязана ў небе». 20Тады загадаў вучням, каб нікому не расказвалі, што Ён — Хрыстус.,
“Copyright © 2021 National Council of Churches of Christ in the United States of America. Used by permission. All rights reserved worldwide.”
Разважанні on Мц 16:13-20
Разважанне да Божага слова - 2026-08-23 Штодзённая малітва
Пазнанне таго, кім ёсць Хрыстус, – гэта не плён нашага інтэлектуальнага ці маральнага высілку, а дар Айца. Св. Ігнацый у Духоўных практыкаваннях вучыў настойліва і з вялікім жаданнем прасіць аб гэтым дары пазнання Езуса, каб “больш любіць Яго і больш верна ісці за Ім”. Пастараюся ўсвядоміць, што пытанне Пана “Хто Я для цябе?” з’яўляецца самым важным у маім жыцці, і з гарачым жаданнем і адкрытасцю сэрца буду прасіць, каб маё знаёмства і блізкасць з Ім усё больш паглыбляліся.