Ян 14:27-31
27Спакой пакідаю вам, спакой Мой даю вам. Не так, як дае свет, Я вам даю. Няхай не трывожыцца сэрца вашае і не баіцца. 28Вы чулі, што Я сказаў вам: адыходжу і прыйду да вас. Калі б вы Мяне любілі, то радаваліся б, што Я іду да Айца, бо Айцец Мой большы за Мяне. 29І цяпер Я сказаў вам, перш чым гэта станецца, каб вы паверылі, калі гэта станецца. 30Ужо нядоўга Мне размаўляць з вамі, бо надыходзіць валадар гэтага свету. Ён нічога не мае ўва Мне. 31Але каб свет ведаў, што Я люблю Айца і раблю так, як наказаў Мне Айцец. Устаньце, пойдзем адгэтуль.
“Copyright © 2021 National Council of Churches of Christ in the United States of America. Used by permission. All rights reserved worldwide.”
Разважанні on Ян 14:27-31
Разважанне да Божага слова - 2026-05-05 Навэнна да святога Ігнацыя
У сэрцы Езуса – супакой, які вынікае з поўнага даверу волі Айца, з іх адзінства. Пан кажа вучням, што свет не можа даць ім такі стан сэрца. Божы спакой можна захаваць нават перад абліччам цярпення, болю і незразумелых падзей, калі прыняць усе цяжкасці як волю Айца.
Спрабуй уявіць, як Бог суправаджае цябе ў выпрабаваннях і праблемах. Аддай Богу ўсё, што прыйшло на думку падчас малітвы, асабліва сітуацыі, якія пазбаўляюць сэрца Божага спакою. Няхай жа Дух Святы навучыць нас даверыцца волі Айца.