Bí Buíoch as Ár nAcmhainní Bia

Cuirimid go leor bia amú.

Ceannaímid an iomarca.

Táimid faoi dhraíocht ag margaí ar nós ‘3 ar phraghas 2’.

Arsa Pápa Proinsias faoi chur amú bia:

‘Bhíodh ár seantuismitheoirí ag déanamh cinnte gan bia atá fágtha a chaitheamh amach. Tá an tomhaltachas tar éis sinn a chur i dtaithí ar bhia a chur amú go laethúil, agus ní féidir linn a fhíorluach a fheiceáil … is ionann bia a chaitheamh amach agus goid ó bhord na ndaoine bochta agus ocracha – cailltear nó cuirtear amú thart ar 1.3 billiún tonna méadrach (1.43 billiún tonna) bia, nó aon trian den mhéid a tháirgtear le haghaidh tomhaltais dhaonna, gach bliain, de réir ghníomhaireacht bia na Náisiún Aontaithe.’

Cosúil le hÍosa, d’úsáid an Pápa Proinsias teanga dhrámatúil chun pointe a chur in iúl. Chuir sé rud i gcuimhne dúinn nach mian linn a chloisteáil. Nuair a chuireann muid bia amú, ní léirímid meas ar a dtugann an domhan dúinn. Ní bhaineann cúram a dhéanamh den domhan le comhshaolachas amháin; baineann sé freisin le dáileadh cothrom acmhainní an domhain a chinntiú agus a bheith buíoch don domhan as a dtugann sé dúinn.

Donal Neary SJ, The Sacred Heart Messenger, Meán Fómhair 2022