Eoin 1:1-18 NRSVue

¹Bhí an Briathar ann i dtús báire
agus bhí an Briathar in éineacht le Dia,
agus ba Dhia an Briathar. ²Bhí sé ann i dtús báire in éineacht le Dia. ³Rinneadh an uile ní tríd
agus gan é ní dhearnadh aon ní dá ndearnadh. ⁴ Is ann a bhí an bheatha
agus ba é solas na ndaoine an bheatha. ^{5 Agus tá an solas ag taitneamh sa d}orchadas, ach níor ghabh an dorchadas é.

⁶ Bhí fear a tháinig ina theachtaire ó Dhia,
agus Eoin a ba ainm dó. ⁷ Tháinig sé ag déanamh fianaise
chun fianaise a thabhairt i dtaobh an tsolais
chun go gcreidfeadh cách tríd. ⁸ Níorbh é féin an solas, ach tháinig sé ag tabhairt fianaise i dtaobh an tsolais. ⁹ An solas fírinneach
a shoilsíonn gach aon duine,
bhí sé ag teacht ar an saol. ^,

¹⁰ Bhí sé ar an saol
agus is tríd a rinneadh an saol,
agus níor aithin an saol é. ¹¹ Chun a chuid féin a tháinig agus níor ghlac a mhuintir é. ¹² Ach an uile dhuine a ghlac é, thug sé de cheart dóibh go ndéanfaí clann Dé díobh, dóibh seo a chreideann ina ainm, ¹³ an mhuintir nach as folanna a rugadh iad
ná as toil feola,
ná as toil fir ach ó Dhia.

¹⁴ Agus rinneadh feoil den Bhriathar agus chónaigh sé inár measc, agus chonacamar-na a ghlóir, a ghlóir mar Aonghin ón Athair, lán de ghrásta agus d’fhírinne. ¹⁵ Tagann Eoin ag tabhairt fianaise ina thaobh
agus glaonn in ard a ghutha:
“É seo an té a ndúirt mé faoi:
‘An té atá ag teacht í mo dhiaidh,
tá an tosach aige orm mar bhí sé ann romham.’ ” ¹⁶ Óir ghlacamar uile as a lánmhaireacht,
sea, grásta ar ghrásta. ¹⁷Tugadh an dlí go deimhin trí Mhaois, ach tháinig an grásta agus an fhírinne trí Íosa Críost. ¹⁸Ní fhaca aon duine Dia riamh. Ní fhaca aon duine riamh Dia.
An tAonghin atá i gcochall chroí Dé, eisean a dʼaithris.

“Copyright © 2021 National Council of Churches of Christ in the United States of America. Used by permission. All rights reserved worldwide.”