Eoin 11:19-27 ABN

¹⁹ Bhí cuid mhór Giúdach tagtha ag triall ar Mharta agus ar Mháire chun sólás a chur orthu i ndiaidh a ndearthár. ²⁰ Nuair a chuala Marta mar sin go raibh Íosa tagtha, chuaigh sí ina choinne. D’fhan Máire ina suí sa teach. ²¹ Dúirt Marta ansin le Íosa: “A Thiarna, dá mbeifeá-sa anseo ní bhfaigheadh mo dheartháir bás. ²² Ach tá a fhios agam anois féin, cibé ní a iarrfaidh tú ar Dhia, go dtabharfaidh Dia duit é.” ²³ Dúirt Íosa léi, “Éireoidh do dheartháir arís.” ²⁴ “Tá a fhios agam,” arsa Marta leis, “go n‑éireoidh sé arís san aiséirí an lá deireanach.” ²⁵ Dúirt Íosa léi, “Mise an t-aiséirí agus an bheatha. An té a chreideann ionamsa, fiú má fhaigheann sé bás, mairfidh sé, ²⁶ agus gach duine a mhaireann agus a chreideann ionamsa, ní bhfaighidh sé bás choíche. An gcreideann tú an méid sin?” ²⁷ “Creidim, a Thiarna,” ar sí, “creidim gur tú Críost, Mac Dé, atá ag teacht ar an saol.”

“Copyright © 2021 National Council of Churches of Christ in the United States of America. Used by permission. All rights reserved worldwide.”