Eoin 15:26-16:4 ABN

²⁶“Nuair a thiocfaidh an tAbhcóide a chuirfidh mé chugaibh ón Athair, Spiorad na Fírinne a ghluaiseann ón Athair, déanfaidh sé fianaise orm. ²⁷Déanann sibhse fianaise freisin, mar bhí sibh in éineacht liom ó thosach.

¹D’inis mé an méid sin daoibh, ionas nach nglacfaidh sibh scannal.^{, 2}Dúnfar amach as na sionagóga sibh; tá an t‑am ag teacht, fiú amháin, nuair a shílfidh an té a mharóidh sibh gur ag déanamh réir Dé a bhíonn. ³Agus déanfaidh siad an méid sin [oraibh] de bhrí nach bhfuil aithne acu ar an Athair ná ormsa. ⁴D’inis mé an méid sin daoibh ionas go mbeadh cuimhne agaibh, nuair a thiocfaidh an t‑am dó, gur inis mé daoibh é.

Níor dhúirt mé na nithe seo libh ó thus mar bhí mé in bhur bhfochair.

“Copyright © 2021 National Council of Churches of Christ in the United States of America. Used by permission. All rights reserved worldwide.”