Lúcás 20:27-40 ABN

²⁷ Tháinig chuige ansin cuid de na Sadúcaigh–iad seo a shéanann aiséirí a bheith ann– ²⁸ agus chuir siad ceist air: “A Mháistir,” ar siad, “seo mar a dʼordaigh Maois dúinn sa scríbhinn: ‘Má bhíonn ag duine deartháir pósta a gheobhadh bás gan chlann, é féin a ghabháil na baintrí chun gin sleachta a thógáil dá dheartháir.’ ²⁹ Sea: bhí seachtar dearthár ann: phós an chéad duine agus fuair bás gan chlann. ³⁰ An an dara duine ansin ³¹ agus an tríú duine, ghabh siad an bhaintreach, agus an seachtar ar fad mar an gcéanna; níor fhág siad sliocht agus fuair bás. ³² Sa deireadh fuair an bhean féin bás. ³³ San aiséirí, más ea, cé acu a mbeidh an bhean ina bean chéile aige? Óir bhí sí ina bean chéile ag an seachtar.”

³⁴ Dúirt Íosa leo: “Gabhann clann an tsaoil seo fear céile nó bean chéile, ³⁵ ach iad seo a mheasfar gur fiú iad an saol úd eile a shroicheadh agus an aiséirí ó mhairbh, ní ghabhann siad fear céile ná bean chéile; ³⁶ óir ní fhéadann siad bás a fháil níos mó, mar is geall le haingil iad; agus is clann iad do Dhia ós clann iad don aiséirí. ³⁷ Ach thug Maois féin le tuiscint na mairbh a éirí, sa dréacht úd faoin tor, mar a dtugann ar an Tiarna, Dia Abrahám agus Dia Íosác agus Dia Iacóib. ³⁸ Ní hé Dia na marbh é, ach na mbeo; óir is dó is beo cách.” ³⁹ Dúirt cuid de na scríobhaithe á fhreagairt: “A Mháistir, is maith a dúirt tú é!” ⁴⁰ Óir níor leomh siad as sin amach ceist ar bith a chur air.

“Copyright © 2021 National Council of Churches of Christ in the United States of America. Used by permission. All rights reserved worldwide.”