Lúcás 21:12-19 ABN
12 Ach roimh an méid sin uile, leagfar lámh oraibh agus géarleanfar sibh, tabharfar ar láimh sibh do na sionagóga agus do na príosúin, seolfar i láthair ríthe agus gobharnóirí sibh mar gheall ar mʼainmse. 13 Is é a thiocfaidh as sin daoibh, go bhféadfaidh sibh fianaise a thabhairt. 14 Dá bhrí sin, bíodh sé de rún agaibh gan ullmhú roimh ré chun bhur gcosanta, 15 óir tabharfaidh mé urlabhra daoibh agus eagna nach bhféadfaidh bhur gcúisitheoirí uile cur ina haghaidh ná a bhréagnú. 16 Tabharfar ar láimh sibh ag bhur dtuismitheoirí féin, fiú amháin, ag bhur ndeartháireacha, ag bhur ngaolta, ag bhur gcairde, agus básófar cuid agaibh, 17 agus beidh fuath ag cách daoibh mar gheall ar mʼainmse; 18 ach ribe de ghruaig bhur gcinn ní mhillfear. 19 Is le bhur mbuanseasamh a ghnóthóidh sibh bhur n‑anamacha.
“Copyright © 2021 National Council of Churches of Christ in the United States of America. Used by permission. All rights reserved worldwide.”
Machnamh on Lúcás 21:12-19 ABN
Inspioráid - 2025-11-26 Paidir Laethúil
Fógraíonn Íosa na géarleanúintí atá le teacht dá lucht leanúna, ach geallann sé slánú dóibh siúd a sheasann go dtí an deireadh. A Thiarna, dúirt tú linn nach dtréigfidh tú sinn ná nach dteipfidh ort choíche. Cabhraigh linn an misneach a bheith againn ár muinín iomlán a chur ionat, agus muid ar an eolas go bhfuil do Spiorad Naomh ionainn.
Ina pháis agus ina bhás ar an gcrois, thug Íosa sampla dúinn de bhuanseasmhacht go dtí an deireadh, in ainneoin magadh agus fónóid a lucht géarleanúna. Guímid grásta na dílseachta don Dia a bhfuil grá síoraí aige dúinn.