Lúcás 7:31-35 ABN
31 Uime sin, cad leis a gcuirfidh mé lucht na glúine seo i gcomparáid? Cad leis ar cosúil iad? 32 Tá siad cosúil leis na leanaí seo a bhíonn ina suí in áit an mhargaidh ag glaoch chun a chéile agus a deir:
‘Rinneamar píobaireacht daoibh,ach ní dhearna sibh rince; rinneamar caoineadh,ach ní dhearna sibh gol.’
33 “Óir tá Eoin Baiste tagtha, gan é bheith ag ithe aráin ná ag ól fíona, agus deir sibh: ‘Tá deamhan ann!’ 34 Tá Mac an Duine tagtha ag ithe agus ag ól, agus deir sibh, fear craois agus póite, cara do phoibleacánaigh agus do pheacaigh.’’ 35 Ach fuair an eagna a ceart óna clann féin uile.”
“Copyright © 2021 National Council of Churches of Christ in the United States of America. Used by permission. All rights reserved worldwide.”
Machnamh on Lúcás 7:31-35 ABN
Inspioráid - 2025-09-17 Paidir Laethúil
Tugadh deis iontach do mhuintir Iúdáia agus na Gailíle agus a nDia ag siúl ina measc agus ag déanamh míorúiltí móra. Leis na céadta bliain, bhí fonn ar dhaoine an méid a chonaic siad a fheiceáil agus ní fhaca siad riamh é, an méid a chuala siad a chloisteáil agus níor chuala siad riamh é. Ach i gcruas a gcroí, dhún a gceannairí súile a n-intinne dó. Níl aon duine chomh dall leis na daoine nach mian leo a fheiceáil.
‘Is deamhan é, nó is meisceoir é.’ Nach furasta dúinn leithscéalta a thabhairt dár ndochomhairle féin agus leithscéal a thabhairt dúinn féin as gan ár ngairm Chríostaí a chomhlíonadh. Guímid, ‘A Thiarna, go bhfeice mé.’