Maitiú 11:2-11 ABN

² Chuala Eoin, agus é i bpríosún, iomrá faoi oibreacha Chríost, agus chuir sé scéala chuige trína dheisceabail féin, ³ á rá leis: “An tú an té atá le teacht nó an ceart dúinn bheith ag súil le duine eile?” ⁴ Dúirt Íosa leo á bhfreagairt: “Imígí agus insígí dʼEoin a bhfuil á chloisteáil agus a fheiceáil agaibh: ⁵ tá radharc ag daill, tá siúl ag bacaigh, glantar lobhair agus tá éisteacht ag bodhráin, éiríonn na mairbh agus fógraítear an dea-scéal do bhoicht. ⁶ Is méanar don té nach ceap tuisle dó mise.”

⁷ Le linn dóibh seo bheith ag imeacht, thosaigh Íosa ag caint leis na sluaite faoi Eoin: “Cad a chuaigh sibh amach faoin bhfásach a fheiceáil? Giolcach á suaitheadh ag an ngaoth?
8 Ach cad a chuaigh sibh amach a fheiceáil? Duine a bhí cóirithe go mín? Iad seo a mbíonn éadaí míne orthu, is i dtithe na ríthe atá siad. 9 Ach cad a thug amach sibh? Chun fáidh a fheiceáil? Sea, deirim libh, aagus duine ba mhó ná fáidh. ¹⁰ Is é seo an té a bhfuil scríofa mar gheall air:

‘Féach, cuirim mo theachtaire romhat a réiteoidh do bhóthar faoi do chomhair

¹¹ “Deirim libh go fírinneach,níor éirigh ar shliocht na mban duine ba mhó ná Eoin Baiste; ach an té is lú i ríocht na bhflaitheas, is mó é ná eisean.

“Copyright © 2021 National Council of Churches of Christ in the United States of America. Used by permission. All rights reserved worldwide.”