Maitiú 16:13-19 ABN

¹³ Ar theacht isteach i gceantar Chéasaráia Philib dó, d’fhiafraigh Íosa dá chuid deisceabal: “Cé hé a deir na daoine Mac an Duine?” ¹⁴ Dúirt siad: “Deir cuid acu Eoin Baiste; cuid eile acu Éilias; tuilleadh acu Irimia nó duine de na fáithe.” ¹⁵ Dúirt sé leo: “Ach cé a deir sibhse mé?” ¹⁶ D’fhreagair Síomón Peadar, “Is tusa an Meisias, Mac an Dé bheo.” ¹⁷ D’fhreagair Íosa agus dúirt sé leis: “Is méanar duit, a Shíomóin Bar Ióna, óir ní fuil agus feoil a d’fhoilsigh duit é ach m’Athair atá ar neamh. ¹⁸ Agus deirimse leatsa gur tú Peadar, agus is ar an gcarraig seo a thógfaidh mé m’eaglais, agus ní bhuafaidh geataí Ifrinn uirthi. ¹⁹ Agus tabharfaidh mé duit eochracha ríocht na bhflaitheas; rud ar bith a cheanglaíonn tú ar talamh beidh sé ceangailte ar neamh, agus rud ar bith a scaoileann tú ar talamh beidh sé scaoilte ar neamh.”

“Copyright © 2021 National Council of Churches of Christ in the United States of America. Used by permission. All rights reserved worldwide.”