Maitiú 25:1-13 ABN

¹ “Is iad dála ríocht na bhflaitheas an uair sin mar a bhí ag deichniúr maighdean a chuaigh amach agus a lampaí acu in airicis an fhir nuaphósta ^{. 2} Cúigear díobh seo, bhí siad gan tuiscint agus bhí an cúigear eile ciallmhar; ³ mar, thug na mná gan tuiscint na lampaí leo agus gan aon ola acu, ⁴ ach thug na mná ciallmhara ola ina bpróiciní leo chomh maith leis na lampaí. ⁵ Bhí an fear nuaphósta ag déanamh moille, agus tháinig sámhán orthu uile agus thit siad ina gcodladh. ⁶ Ach glaodh i lár na hoíche: ‘Chugaibh an fear nuaphósta! Amach libh ina airicis!’ ⁷ D’éirigh na maighdeana sin uile ina suí agus dheasaigh siad a lampaí. ⁸ Ach dúirt na mná gan tuiscint leis na mná ciallmhara: ‘Tugaigí dúinn braon de bhur n-olasa, mar tá ár lampaíne in éag.’ ⁹ D’fhreagair lucht na céille iad: ‘Le heagla,’ ar siad, ‘nach mbeadh ár ndóthain ann dúinn féin agus daoibhse, b’fhearr daoibhse dul go dtí lucht a díolta á ceannach daoibh féin.’ ¹⁰ Bhí siad ag dul á ceannach nuair a tháinig an fear nuaphósta, agus iad seo a bhí ullamh, chuaigh siad isteach in éineacht leis chun na bainise, agus dúnadh an doras. ¹¹ Sa deireadh, tháinig na maighdeana eile freisin: ‘A thiarna, a thiarna,’ ar siad, ‘oscail dúinn!’’ ¹² Ach d’fhreagair sé agus dúirt: ‘Deirim libh go fírinneach, níl aithne agam oraibh.’ ¹³ Bígí ag faire, dá bhrí sin, mar níl a fhios agaibh an lá ná an uair.^,

“Copyright © 2021 National Council of Churches of Christ in the United States of America. Used by permission. All rights reserved worldwide.”